حوار

الصورة: عن الإنترنت.

يحيى: بابا، في في ليبيا غابات فيهم بيت الشجرة؟
رامز: لا يا بابا.. للأسف ما فيش!!!
يحيى: بابا، في في ليبيا قاعات سينما باش نتفرجو فيهم علي أفلام؟
رامز: للأسف، مافيش!!!
يحيى: بابا، في مسارح يقدموا في عروض وموسيقى؟
رامز: حتى هذا مافيش!!


يحيى، ينظر لي، بنظرة أعرف كنهها، وما يعتمل خلفها.
يحيى: باهي ليبيا شن فيها؟
رامز: فيها كل خير!!!
يحيى -غاضباً-: ليبيا ما فيها شي!!! ليبيا فقيرة، خلي نمشوا لأبوظبي، فيها كل شي!!!
رامز: كيف نمشوا؟؟
يحيى: أبحث عن عمل في أبوظبي، ونمشوا كلنا معاك!!! غادي عندهم مدينة الفورملا، وملاهي، وقاعات سينما مسارح، ويجيبوا في عروض كبيرة!!!
رامز:………………………………………………………………………………………………………………………….!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!………………………………
يحيى: بابا، باهي؟؟؟
رامز: إن شاء الله خير.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *