مقيولة: اللي ماجاش ليبي .. فاته الجو كله.
سارة المسلاتي
وأحسن دليل على جو الليبيين.. اللي صار آمس.. يعني حفلة كبيرة وتحرير طرابلس واستحقاق ديمقراطي كبير وحدث تصور فيه وتنقل فيه وكالات الأنباء العالمية.. مجلس انتقالي يسلم ومؤتمر وطني يستلم.. والناس في الشوارع فرحانه ورافعه العلامات وأغاني ورقيص والزهر يفوح في الشوارع والبخور في كل تركينة.
وباش نكونوا ليبيين نستحقوا لقب الليبي.. لازم من عفسه في ها الجو المليح.. قبل المردوم تجيه على الأمناء.. ولا على واحد من الحكام يقرقز بيه.. لكن في عهد 17 فبراير جايه على راقدين الريح.. ومن جي في الكبوة؟؟؟.. الفقيرة لربها “ساره المسلاتي” قال شنو: مش متحجبة، ونحن بلد إسلامي وما يصير هذياهي.. يا كله إلا هذي!!!.
وسحبت “ساره” من الحفل، بطريقة لا تليق بقيمة الحدث ولا ترقى لأقل احترام للإنسان.. يعني هي تساوت باش تجي على هادي!!!؟؟؟؟.. كان من الأجدر وتحملاً للمسؤولية، إن يطلب المستشار جدول البرنامج ويسأل باش يطمئن على سير الأمور –من باب المسؤولية-، ولما يعرف إن فيه فتاة بتقدم، كان يقول ياريت لو يتم استبدالها، وكانت الأمور تمشي بدون أي شوشرة.. لكن نأبى إلا أن نكون ليبيين محصحصين.. يعني خليها ماشية بالبركة ولما يجي وقتها نديرولها حل.. يعني الارتجالية مازالت موجودة.
أيه سحبت “ساره” بعد أن كانت فرصة لتقديم وجه المرأة الليبية الجديد، ودور المرأة الجديد.. وإلا الباين إن جماعات التيار الديني ليهم يد في الموضوع وصاحبنا ما يقدرش يتحرك معاهم.
لأن القصة غريبة شوية.. لو ترجعوا معاي للخلف في بيان التحرير.. المستشار قال بتعدد الزوجات وبدون إذن المحكمة.. واليوم يسحب –معليش ما نبيش نستخدم كلمة طرد، لأنها مؤذية في حق الأخت “سارة” ومجحفة من قبل السيد المستشار الذي أجله_ مقدمة الحفل الأخت “ساره المسلاتي”.. هذي علامة استفهام كبيرة، أكبر من قاعة الاحتفال بذاتها –على قولة السوداني-.
يعني مالاخير.. شكله باهي إلا ماكشثتابت في مكانك يا سيدي المستشار.. لأن الدولة تبي الثابت القوي، مش العاطفي والمتذبذب.. مع إني من أكثر مؤيديك.
ويعني تقدر “ساره” تقاضي المستشار.. لأنها عوملت بطريقة غير إنسانية.. وفي مليون يشهجوا معاها.
وفي الختام نقول: معليش يا “ساره” امسحيها في وجوهنا وهادي ليبيا، حره، ومعليش لازم الواحد يتحمل من أجلها، باش العجلة تمشي والمركب تسير والسيارة تولع، والنفط يتدفق، والصغار يمشوا للمدرسة، والشرطة تولي لخدمتها، والجيش الوطني يبسط سيطرته، والثوار يسلموا السلاح…………………
آسفين يا “ســــــــــاره”.
______________________
ملاحظة: أنا لا أنكر ما فرضه الدين على النساء من حجاب.. لكني هنا أناقش الأمر من ناحية أخلاقية وإنسانية.
اللي ماجاش ليبي مافاته شيء لا جو ولا شيء الليبي واخذ فروحة مقلب ويحساب روحه خير من الغير، ونتأسف على اللي صار
هههههههه انا ليبي بالحق
راجل والله الا راجل بس المصرقعين يلي يعبدو في النسوين كلهم قالو مش حركة ههههه هذا التريس وهكي الغيرية على شخصية البنت الليبية لما تتكلم حسستنا انها عايشة في قطر 10 سنين و10 تانيات في امريكا.
طبعا هذا مش كلامي
رسالة واضحة المعالم لدعاة الانحطاط الفكري و الاخلاقي من السيد المستشار مع اني اختلف معه في كثير من القضايا الا اني كليبي شريف اغار على عرضي لا افضل ان تكون (( علبة الماكياج )) التي تحدثت بالامس تمثل امي و اختي و زوجتي و ابنتي
تقريبا البنت نفسها مش زعلانة قد زعلك انت
والله يا عوام الا دوة فاضية …
من سارة وايش قصتها
ماش الحال حتا انت
http://www.facebook.com/photo.php?fbid=368194996583060&set=a.188086161260612.45619.188073477928547&type=1&theater
نمن ناحية اخلاقية ليش مش محترمة نفسها في الشهر المبارك
علينا أن نعمل بما نتفق عليه لا أن يفرض علينا أحد شيئاً لا يناسبنا … الليبراليين ليس لديهم أي مشكلة مع الحجاب حسب ما أعلم … لكن نحن الملتزمين بأوامر ديننا لدينا ألف مشكلة مع التبرج … لذلك لماذا لا نختار ما نتفق عليه وماليس عليه جدال وهو الحجاب … ونصرُّ على اختيار ما ليس عليه الاتفاق ويكون أساساً للخلاف والشقاق … وا عجبي.
بالله عليك ياسيد مروان انى نعرفك راجل ملتزم تو انت لما تنشر فى هده الصورة كل واحد يتفرج عليها ايحط اتم علي اكتوفك اتق الله فى رمضان ولاتنشر هده الصور
أنا لم أنشر هذه الصورة ولكني قمت بالتعليق عليها … ولكن واقع الحال أن الصورة تظهر على صفحات الفيس عند التعليق عليها … عليك أن تقرأ ما كتبت لا أن تكتفي بالنظر إلى الصور … وفقني الله وإياك.
انت علقت على صورة المفترض خبر متل هدا تطرق له دون صور لانك تسطيع انت تتكلم عليه بدون الصورة او تترك هدا الموضوع لانه لايحتاج كل هده الزوبعة متبرجة ووقفت عند حدها
لست من نشر الصورة ولكن صاحب الموضوع … وهذا إحدى سلبيات الفيس تعلق على موضوع فيظهر لمن لا يعرف وكأنك صاحب الموضوع … المهم الآن أني لا أستطيع أن أغير من الأمر شئ لأنني لست صاحب الموضوع ولست صاحب الصورة ولست من نشرها وأبرأ إلى الله منها ومن صاحبتها وممن نشرها.
يا سارة المسلاتي ، الذي أمرك بالحجاب هو الله سبحانه وتعالى ونحن مثلك جاءنا الأمر من الله فنحن نقول سمعنا وأطعنا ربنا وأما أنت ومن على شاكلتك فمشكلتكم مع ربكم وليست معنا
عبد الجليل إستعجل بطرد هذه الفتاة. لأنه هو شخصياً سلم على كلينتون.
ولماذا صيغة الجمع والتهويل باستخدامك عبارة آسفين ياسارة …فأنت كنت تريد ان تأسف فأسف عن نفسك فقط وقل آسف يا سارة ، أما نحن ففرحة امس بعيدي تسليم السلطة للمؤتمر الوطني وكذلك تحرير طرابلس صرفا اعيوننا وتفكيرنا عن كل شي سطحي اخر …
صدقت