مقيولة: اللي ماجاش ليبي .. فاته الجو كله.
سارة المسلاتي
وأحسن دليل على جو الليبيين.. اللي صار آمس.. يعني حفلة كبيرة وتحرير طرابلس واستحقاق ديمقراطي كبير وحدث تصور فيه وتنقل فيه وكالات الأنباء العالمية.. مجلس انتقالي يسلم ومؤتمر وطني يستلم.. والناس في الشوارع فرحانه ورافعه العلامات وأغاني ورقيص والزهر يفوح في الشوارع والبخور في كل تركينة.
نعم كانت عروس، وراجت 42 سنة باش تزف في ليلة حيخلدها التاريخ، وتقعد حكاية جليل لجيل.
ليلة عروس البحر، بكل المقاييس ماكانتش ليلة عادية، كانت ليلة بذل فيعا الدم، وخرج شباب طرابلس جملة ليرفعوا الغمة ويزفون طرابلس في عرس مهيب، اختلط فيه التكبير والتهليل بالرصاص والدماء الزاكية لشهداء سيبقوا في ذاكرتنا.. في كل شارع شهيد حنّى بدمه أيدين العروس الغالية.. وفي كل حية معركة أهدت صوتها زغروته زفه.
تبي تسكت الشعب الليبي .. أعطيه فلوس.
من أمتى مش عارف، لكني من يوم الدنيا والدين وانا نسمع في هالجملة هادي.. لكن المشكلة إن الشعب الليبي ساكت.. فهل تكلم من قبل وخدي فلوس في جيبه.. ولا تكلم وخدي على راسه.
بعد التحرير جمعتني الظروف مع مجموعة في مكان، وكل واحد من الشباب يرسم في مستقبل ليبيا، واللي بيصير.. والاقتراحات اللي مفروض على المجلس إنه يديرها، واحد من الشباب قال:
– المفروض يعطوا عالكتيب 10000 دينار.. راهو مش اشويه اللي صار.
عجبتني القافيه وماعجبتنيش الدوه.
وتوه جت قصه الـ2000 دينار.
الحدث في ذاته، قد يكون محدود التأثير، في علاقة مباشرة مع حجمة، فالأحداث الكبيرة، تخلف آثاراً كبيرة تناسبها، وإن لم يكن تأثيرها ظاهرياً، فإن ذلك يعني أن حجم الأثر الداخلي أكبر. وفي المجتمعات الإنسانية، قد يمتد التأثير إلى أبعد من ذلك، ليمس ثقافة المجتمع وتقاليده. والمجتمع الليبي –موضوعنا- شهد الكثير من التحولات التي غيرت في ثقافتة، فسحبت وأضافت. فسحب المجتمع من ذاكرته ما اعتبره صوراً وأحداثاً إما صارت قديمة لا تفيد واقعه في شيء، وإما أجبر على إقصائهاـ وأضاف ما رآه مواكباً لمرحلته ومعبراً عنها، أو ما يثبت علاقته بالمحيط من حوله، أو ما أدخل في ثقافته بشكل ممنهج.
أكيد سمعتوا باللي صار في شارع (امحمد المقريف/ الاستقلال).. كلاشنات وبي-كي-تي، وأر-بي-جي، ليلة ما يعلم بيا ربي فضت الصبح، وللي ما يعرفش، نحكيلكم القصة باختصار:
إخبارية عن شاب مخطوف من جماعة (أكيد مش جماعة اللهو الخفي بتاع العيال كبرت)، وطالبة فدية مقابل تسليم الولد لِأهله.. طبعاً الفدية كبيرة (قالوا 150 ألف دينار ليبي).. الوالد بلغ، وعند موعد التسليم والخطة اللي حاطينها شباب (ذات الصوري) بارك الله فيهم، اكتشفوا إنهم قدام مجموعة بايعه روحها، مابوش يسلموا روحهم بالساهل، والباين إن عندهم سلاح ثقيل، وبدت المعركة، وماستجابوش لنداء التسليم اللي أطلقه أحد الشباب فرموا عليه (نحسبه عند الله شهيداً)، فقام شباب الكتيبة بالرد، حتى تم اقتحام المزل بعد رميه بالآر=بي-جي.. النتائج: